Donla uí Bhraonáin

Rugadh agus tógadh Donla uí Bhraonáin i mBaile Átha Cliath. Rinne sí BA sa Léann Ceilteach i gColáiste na hOllscoile, Baile Átha Cliath agus MA sa Chumarsáid in Ollscoil Chathair Bhaile Átha Cliath. Chaith sí cuid mhaith dá saol ag déanamh aistriúcháin ó Bhéarla go Gaeilge agus ag déanamh eagarthóireachta i nGaeilge. D’oibrigh sí mar léachtóir agus mar théarmeolaí le Fiontar, Ollscoil Chathair Bhaile Átha Cliath ó 1994 go dtí 2008 nuair a chuaigh sí ar scor. Cnuasach seanfhocal ceithretheangach is ea 500 Seanfhocal, Proverbs, Refranes, Przyslow a d’fhoilsigh Cois Life in 2007. Foilsíodh a saothar dátheangach, Paidreacha na Gaeilge (Cois Life, 2008), in 2008 agus in 2010 d’fhoilsigh Cois Life an t-eagrán nua comhtháite a chóirigh sí den bhunsaothar, Seanfhocla Chonnacht le Tomás Ó Máille. Is é Leabhar laethanta (Cois Life, 2013), almanag de chultúr agus de stair na hÉireann, an leabhar is déanaí uaithi.

Nuashonraithe Meitheamh 2017

Obair Eagarthóireachta

Leabhar laethanta (Cois Life, 2013)
Seanfhocla Chonnacht (Cois Life, 2010)
Paidreacha na Gaeilge/Prayers in Irish (Cois Life, 2008)
500 Seanfhocal, Proverbs, Refranes, Przyslow (Cois Life, 2007)
Ollscolaíocht Ghaeilge: dúshláin agus léargais (DCU, 2003) [i gcomhar le Caoilfhionn Nic Pháidín]
Foclóir Fiontar (DCU, 2002)
1000 téarma ríomhaireachta (DCU, 2000)

Aistriúcháin

An Bíobla do pháistí (Preas Cholmcille, 1986; athcló le Foilseacháin Ábhair Spioradálta, 2014)
Bád Shíle : mar a d’fhoghlaim Síle ceird na seoltóireachta (An Gúm, 1996) [aistriúchán Gaeilge ar Sarah’s Boat le Douglas Alvord]
Kilcullen (Mercier Press, 1978) [aistriúchán Gaeilge ar an leabhar le Enda O’Coineen]
Comhghuaillithe na réabhlóide (An Clóchomhar, 1966) [aistriúchán Gaeilge ar an leabhar le Pádraig Ó Snodaigh]

Donla uí Bhraonáin ag Cois Life