LÉIGH: Léirmheas Tuairisc.ie ar ‘Ainmhithe na hÉireann’ 12 Aibreán 2018

‘Gaeilge shimplí fhileata agus léaráidí galánta i leabhar nua faoi fhiadhúlra na hÉireann.’

an chéad léirmheas faighte againn ar shaothar úr uainn: Ainmhithe na hÉireann. Aistriúchán atá ann ar shaothar Béarla My First Book of Irish Animals le Juanita Browne (Browne Books, 2014). Fidelma Ní Ghallchobhair a d’aistrigh. Méabh Ní Thuathaláin ó Tuairisc.ie a scríobh an léirmheas agus tá gliondar croí orainn gur bhain sí taitneamh chomh mór sin as:

‘Leabhar é atá dírithe ar pháistí óga a bheadh sé bliana d’aois nó os a chionn, ach más comhartha ar bith é an oiread dúile a bhí agam féin ann, measaim go mbainfeadh aon duine sásamh agus tairbhe as na blúiríní beaga eolais agus na léaráidí uiscedhatha áille atá ar fáil ann.’

Is í Aoife Quinn maisitheoir an tsaothair agus ceann de na spriocanna is mó a bhí againn leis an saothar seo ná na léaráidí a thabhairt slán. Mar is gnách, tá an t-aistriúchán Gaeilge níos faide ná an buntéacs agus bhí baol ann go mbeimis gann ar spás ar na leathanaigh.

‘Is maith liom mar a cuireadh an t-eolas a bhain le gach ainmhí i láthair thar dhá leathanach. Tugadh tús áite do na léaráidí tarraingteacha agus fágadh spás go leor do na fíricí éagsúla. Is mór an cuidiú é sin don pháiste a bheadh ag iarraidh a chuid féin a dhéanamh den eolas.’

Táimid ag súil go mór le tuairimí léitheoirí eile a fháil faoin saothar amach anseo. Is féidir an leabhar a cheannach díreach ón suíomh againne ach cliceáil ar íomhá chlúdaigh an leabhair thíos. Ina theannta sin, tá sé ar fáil do shiopaí tríd an dáileoir ÁIS – muna bhfuil sé sa siopa leabhar áitiúil go fóillín, fiafraigh díobh an féidir leo é a ordú isteach!



Is féidir an léirmheas iomlán a léamh anseo >>


 

« LÉIGH: Léirmheas Seomra Ranga ar ‘Scéalta le hinsint don ghealach’
FÉACH: Murdair Mhám Trasna le craoladh ar TG4 »