ÉIST: Podchraoladh ClubLeabhar.com – Scriorrann an tAm 20 Feabhra 2018

Is é leabhar na míosa seo ag ClubLeabhar.com ná Sciorrann an tAm le hOrna Ní Choileáin, cnuasach gearrscéalta a d’fhoilsíomar in 2014.

Is iad léirmheastóirí na míosa seo ná Siún Ní Dhuinn (Comhordaitheoir Digiteach Gaeilge le RTÉ) agus Ronan Doherty (mac léinn PhD i Roinn na Nua-Ghaeilge i Má Nuad).

Dar le Siún go molfadh sí an leabhar seo do dhuine atá ag filleadh ar fhoghlaim na Gaeilge, ós rud é go bhfuil an stíl agus an teanga in oiriúint don chineál sin léitheora.

Nílimid chun an chuid eile den phodchraoladh a mhilleadh oraibh, agus go leor leor pléite ag na léirmheastóirí an mhí seo. Féadann tú éisteacht leis an bpodchraoladh anseo thíos:

 


Léigh sliocht as an leabhar >>

Cnuasach gearrscéalta ó údar Canary Wharf. An bua a bhaineann le scéalta an Choileánaigh ná a n-éagsúlacht agus a mbeocht. Is minic í ag plé leis an gclapsholas sin idir dhá shaol agus uaireanta is priaclach an saol é sin! Ní gruaim gan ghreann é, áfach. Scanraíonn sí sinn ach baineann a cuid eachtraí gáire asainn chomh maith. Bí ag faire amach! Ní gnáthdhomhan é seo, domhan Orna Ní Choileáin.

Bhí Sciorrann an tAm ar an ngearrliosta do Ghradam Uí Shúilleabháin, Leabhar na Bliana, in 2014.

 


 

« BOLD GIRLS: údair CL páirteach i bhfeachtas Leabhair Pháistí Éireann
ÉIST: Podchraoladh ‘Motherfoclóir’ »