ciseán
CISEÁN SIOPADÓIREACHTA
Tá do chiseán siopadóireachta folamh.
ÓNÁR mBLAG
  Alec Hijmans ag Féile Leabhar BhÁC / Alex Hijmans at the Dublin Book Festival Mar chuid 'dFhéile Leabhar Bhaile Átha Cliath 2012 reáchtáladh plé ar an ngearrscéal mar sheánra i litríocht na Gaeilge ...
Alan Titley ag Cois Life


Alan Titley
Nóta beathaisnéise
Saothair foilsithe
Alan Titley

Rugadh Alan Titley i gcathair Chorcaí in 1947. D’fhreastail sé ar Choláiste Chríost Rí, Corcaigh; ar Choláiste Phádraig, Droim Conrach, Baile Átha Cliath; agus ar Choláiste na hOllscoile, Baile Átha Cliath. Is iad an Ghaeilge, an Fhealsúnacht agus an Béarla na hábhair a ndearna sé staidéar orthu. Bhí sé ina léachtóir le hOideachas agus le Stair i gColáiste Oiliúna Mount Carmel sa Nigéir ó 1967 go 1969, am ar éirigh leis mórán taistil a dhéanamh ar fud na hAfraice. Ó 1969 go 1974 b’oide scoile é i Scoil na mBuachaillí Bodhra sa Chabrach. Ó 1981 i leith, bhí sé i gceannas ar Roinn na Gaeilge i gColáiste Phádraig, Droim Conrach go dtí gur ceapadh é mar Ollamh le Nua-Ghaeilge i gColáiste na hOllscoile, Corcaigh in 2006. D’éirigh sé as sa bhliain 2011 agus é ina Ollamh Emeritus ó shin. Tá cónaí air i gCorcaigh agus i mBaile Átha Cliath.

Taibhríodh na drámaí Tagann Godot (Clóchomhar, 1991) in Amharclann na Mainistreach / Amharclann na Péacóige in 1990 agus taibhríodh An Ghráin agus an Ghruaim in Amharclann Samuel Beckett in 1999. Chomh maith leis sin, chraol RTÉ Radio agus BBC Radio drámaí dá chuid. Is scoláire, colúnaí le The Irish Times, úrscéalaí, gearrscéalaí, fabhalscéalaí, staraí liteartha, craoltóir agus drámadóir é Alan. Tá Iliomad duaiseanna buaite aige, agus tá Gradam Bistro, 2004 ar cheann de na cinn ba dhéanaí a bhuaigh sé dá úrscéal, Amach (An Gúm, 2004). Scríobh sé agus chuir sé an tsraith teilifíse, Scéal na Gaeilge, i láthair do TG4 sa bhliain 2012.

Foilsíodh úrscéal leis, Gluaiseacht (An Gúm, 2009) in 2009 – scéal atá bunaithe ar inimircigh agus inimrceacht. Is iad na leabhair is déanaí uaidh: Scríbhneoirí faoi Chaibidil (Cois Life, 2010), sraith alt ar údair mhóra liteartha na Gaeilge, atá bunaithe ar an tsraith chlár den teideal céanna a craoladh ar RTÉ; Nailing Theses: selected essays (Lagan Press, 2011); agus Smuf (An Gúm, 2012), úrscéal do dhaoine óga. D’aistrigh sé leagan de Cré na Cille, mórshaothar Uí Chadhain (Yale University Press, 2015).

Nuashonraithe Deireadh Fómhair 2016

Úrscéalta

The Dirty Dust. Cré na Cille. (Yale University Press, 2015)
An Bhean Feasa. (Cló Iar-Chonnacht, 2014)
Smuf (An Gúm, 2012)
Gluaiseacht (An Gúm, 2009)
Amach (An Gúm, 2004)
An Fear Dána (An Clóchomhar, 1993)
Stiall Fhiall Feola (An Clóchomhar, 1980)
Méirscrí na Treibhe (An Clóchomhar, 1978)

Gearrscéalta

The Colours of Man (Cló Iar-Chonnachta, 2012) [aistriúchán ar scéalta Mhíchíl Uí Chonghaile. Déanta i gcomhar le Gabriel Rosenstock, Frank Sewell agus Katherine Duffy]
Parabolas: Stories & Fables (Lagan Press, 2005)
Leabhar Nóra Ní Anluain (Cló Iar-Chonnachta,1998)
Fabhalscéalta (Cló Iar-Chonnachta,1995)
Eiriceachtaí agus scéalta eile (An Clóchomhar, 1987)

Drámaí

Tagann Godot: coiméide thraigéideach dhá ghníomh (An Clóchomhar, 1991)

Saothair Chritice

An Chuallacht Léannta: ceiliúradh ar Íosánaigh agus Léann na Gaeilge. (Foilseacháin Ábhar Spioradálta, 2013)
Nailing Theses: selected essays (Lagan Press, 2011)
Scríbhneoirí faoi Chaibidil (Cois Life, 2009)
Chun doirne: rogha aistí (Lagan Press, 1996)
An tÚrscéal Gaeilge (An Clóchomhar, 1991)

Eile

‘Beir leat do shár-Ghaeilge!’ Súil siar agus ar aghaidh (An Aimsir Óg, 2004)
A pocket history of Gaelic culture (O’Brien Press Ltd., 2000)
An cogadh in aghaidh na critice (Fortnight Education Trust, 1994)
Máirtín Ó Cadhain: clár saothar (An Clóchomhar, 1975)

Aistriúchán dá Shaothar atá ar fáil

Voilà Godot!: tragédie comique en deux actes (ForSai publications, 2006) [Tagann Godot aistrithe ag Láns Ó Baoill]

Eolas faoi Cois Life · Sonraí teagmhála