|
Sceoin
na Mara
Liam Ó
Muirthile
Corpán amháin
atá ar dtús ann, bean óg a sheolann isteach
leis an taoide. Nuair a leanann corpáin eile í,
leagtar síos pátrún uafar dúnmharaithe.
Íobairt gach ceann, is cosúil.
Tá sraithdhúnmharfóir
inár measc.
Scéinséir bleachtaireachta.
Praghas measta: €16
Dáta foilsithe measta: 2010
An Chúis
Alex Hijmans
Filleann Rebekka, bean
óg ón Ísiltír, agus Andy, a fear
céile, Meiriceánach dúchasach, ar Ghaillimh
ar mhí na meala. Teastaíonn uathu cuairt a thabhairt
ar 'An Chúis' - an caifé dátheangach
inar chuir siad aithne ar a chéile an chéad
lá riamh. Ach, agus iad ag trasnú an droichid
trasna na Coiribe, titeann a gcroí: tá an caife
imithe....
Scéal faoi idéalachas,
dílseacht, grá agus caife atá san úrscéal
seo; scéal faoi bhean óg a dteastaíonn
uaithi an domhan a athrú ach a fhaigheann amach gur
inti féin a chaithfidh an réabhlóid tarlú.
Praghas measta: €16
Dáta foilsithe measta: 2011
Maitrióisce
Siobhán Parkinson
Lá breithe Mara
atá ann. Tá trí bliana déag bainte
amach aici. Ach an bronntanas a thugann a máthair di
ná sraith bábóg maitríóisce
ón Rúis - an saghas bronntanais a gheobhadh
cailín beag, agus bábóigín amháin
acu caillte, fiú.
Nuair a théann
Mara agus a cara Dorota ar thóir na bábóige
is lú, áfach, nochtann eolas nach raibh barúil
ag Mara faoi roimh ré. Úrscéal do dhéagóirí
óga.
Praghas measta: €10
Dáta foilsithe measta: 2011
Garáiste
sa Ghaeltacht
Éilís
Ní Dhuibhne
Castar cailín
agus buachaill ar a chéile agus ise ar saoire faoin
tuath. Ise as ceantar meánaicmeach i mBaile Átha
Cliath, agus eisean as ceantar breac-Ghaeltachta i dTír
Chonaill. Tá gnáthshaol ag an gcailín,
ach tá an buachaill páirteach i mionchoiriúlacht
agus é ag ól an iomarca.
Titeann seisean i ngrá
léi.
Níl spéis
aici siúd i mbuachaill dá leithéid.
Ach tarlaíonn tubaiste uafásach a thugann le chéile iad.
Praghas measta: €12
Dáta foilsithe measta: 2011
Idirthréimhse
Orna Collins
An raibh sé de
dhánaíocht agat riamh freastal ar bhean feasa?
Ar lorg tú do thuismeá laethúil i nuachtain
agus in irisí, nó an truflais atá ann?
An féidir a bhfuil i ndán dúinn sa todhchaí
a aimsiú i gcarn cártaí i ndáiríre?
Sraith gearrscéalta
do dhéagóirí idirbhliana faoi chairde
a dhéanann iarracht ciall a bhaint as a leithéid
ach, ní mar a shíltear a bítear.
Praghas measta: €12
Dáta foilsithe measta: 2010-2011
Seanfhocla Chonnacht
Eagarthóir: Donla uí Bhraonáin
Eagrán nua den bhunsaothar
cuimsitheach le Tomás Ó Máille (Oifig an tSoláthair 1948,
1952). Bunábhar an bhailiúcháin athchóirithe agus curtha ar
fáil do ghlúin nua in aon imleabhar tarraingteach amháin.
CD-ROM mar áis chuardaigh san áireamh.
Praghas measta: €20
Dáta foilsithe measta: 2010
An tSochtheangeolaíocht: Feidhm agus Tuairisc
Eagarthóirí: T. Ó hIfearnáin & M. Ní Neachtain
Téacs ilúdar
é seo, ina bpléitear príomhghnéithe
na sochtheangeolaíochta, agus suíomh na Gaeilge
sa chomhthéacs idirnáisiúnta sin léinn.
Téann na téacsanna i ngleic leis an mbunábhar
teoiriciúil agus leis an taobh feidhmiúil sa
réimse: an éagsúlacht, na pobail urlabhra,
an antraipeolaíocht teanga, an t-ilteangachas, malartú
teanga, códmheascadh agus criólú, coincheapa
na pleanála teanga, caighdeán agus caighdeánú,
stádas reachtúil na Gaeilge sa tír, an
Ghaeilge sa chóras oideachais, sainiú na Gaeltachta,
ceist na féiniúlachta agus an dearcadh náisiúnta,
na meáin agus na heagrais teanga. Tá sé
úsáideach do mhic léinn bunchéime
agus iarchéime.
Ar na húdair tá: Tadhg Ó hIfearnáin,
Máire Ní Neachtain, Máirtín Ó
Murchú, Brian Ó Curnáin, Steve Coleman,
Conchúr Ó Giollagáin, Brian Ó
Catháin, Siobhán Ní Laoire, Helena Ní
Ghearáin, Pádraig Ó Laighin, Muiris Ó
Laoire, John Walsh, Pádraig Ó Riagáin,
Peadar Ó Flatharta agus Iarfhlaith Watson.
Praghas measta:
€20
Dáta foilsithe measta: 2010
Scríbhinní Amhlaoibh Uí Shúilleabháin
Neil Buttimer
Anailís chuimsitheach
atá anseo ar théacs agus ar chomhthéacs
na dialainne. Scagann an t-údar modhanna peannaireachta
agus cumadóireachta Amhlaoibh mar aon lena shaothar
i réimsí eile, an fheirmeoireacht, an mhúinteoireacht,
agus a shaol tí agus teaghlaigh. Rianaíonn sé
forás a chuid filíochta agus próis mar
aon leis na mionscríbhinní. Ach thar aon ní
eile tugann sé éachtaint neamhchoitianta ar
léann soch-chultúrtha na Gaeilge.
Léachtóir is
ea an t-údar i Roinn na Nua-Ghaeilge i gColáiste
na hOllscoile, Corcaigh. Tá cuid mhór saothair
déanta aige féin i réimsí na staire
agus an chultúir.
Praghas measta:
€20
Dáta foilsithe measta: 2011
|
